دوای هەلبژاردنی پرۆژەی چالدێران بۆ فستیڤاڵی وێنەی نێودەولەتی جاکارتا لە ولاتی ئەندۆنیزیا، لە دوێنێوە ئەم فستیڤاڵە کارەکانی دەستپێکردووە و وەک بەشێک لە کارەکانی فستیڤاڵ پێشانگای وێنەکانی من لە پارکی تامان لانگ سێت لە باشووری شاری جاکارتا کەوتووتە بەر چاوی تامەزروانی وێنەی ئەم شارە و بەم شێوەیە سوپاسی بەرێوەبەرانی فستیڤاڵی وێنەی جاکارتا دەکەم
خۆشحالم لەم رێگەیەوە چیرۆک و بەسەرهاتی نەتەوەی خۆم بەو بەشەی دنیا دەگەیێنم
بە شانازییەوە ئاگادارکراوم کە بەشدارم لە پێشانگای وێنەی هاوبەشی گۆلف فۆتۆ پڵاس کە بە هاوبەشی لەگەڵ گۆڤاری ناشناڵ جیۆگرافی ئەلعەرەبیە لە وڵاتی ئێمارات دەکرێتەوە
پێشانگاکە لە ڕۆژی چوارشەممە ٧ی ئەیلول کاتژمێر ٧:٣٠ی ئێوارە لە کەنداوی فۆتۆ پڵەس لە شەقامی ئەلسێرکاڵ لە دوبەی دەکرێتەوە و بۆ دوو مانگ بەردەوام دەبێت
بۆ ئەم پێشانگایە ٥٠ وێنەی لە کۆی زیاتر لە ٢٠٠٠ پێشکەشکراو هەڵبژێردراوە کە میرات و هەمەچەشنی دەوڵەمەند پیشان دەدەن لە کولتوری خۆراک لە سەرانسەری رۆژهەلاتی ناوەراست
پرۆژەی پێشمەرگە بریندارەکانی شەڕی دژ بە داعش کە سەرەتای ئەمساڵ لە گۆڤاری ئیلانوت ریڤیوو بڵاو کرابووە، کاندید کراوە و نوێنەرایەتی گۆڤارەکە دەکات بۆ ئەوەی وەک باشترین بڵاوکراوەی تۆڕی دیجیتالی ساڵ لە بەشی هونەری و ئارت دەستنیشان بکرێت
گۆلبژێر کردنی باشترینەکانی تۆڕی دیجیتالی پرۆژەی بڵاوکراوەی سەندێرسە کە لە ساڵی دوو هەزار و شەش ساڵانە بەم کارە هەلدەستێت و باشترینەکان گۆلبژێر دەکات
جگە لە ئاکامی ئەم کاندید کردنە، دەستنیشان کردنی ئەم پرۆژەیە بۆ ئەوەی کاندید بکرێت شانازیەکی گەورە بۆ من و تەنانەت خۆدی گۆڤارەکەشە کە کارەکەم نوێنەرایەتیان دەکات.
