پرۆژەکەم (پێشمەرگە بریندارەکانی شەڕی داعش) خەلاتی زێرێینی وەرگرت لە بەشی ئێدیتۆریال و شەڕ لە لایەن مالپەڕی بەناوبانگی وان ئای لەند کە کار لەسەر هەموو جۆرە وێنەی دەکەن

دەتوانن پرۆژەکەم لەم لینکە ببینن

بە خۆشحالییەوە ئاگادار کراوم کە پرۆژەکەم وەرگیراوە لە فستیڤالی پیەرڤێرت لە ولاتی فەرەنسا.ئەمسال سێزدەیەمین سالە کە ئەم فستیڤالە جێبەجێ دەکرێت و شانازییەکی گەورەیە منیش وەک کوردێک بەشدارم و پرۆژەکەم لە شەوانی ئەم فستیڤالە دەکەوێتە بەرچاوی بەشداربووان و بینەرانی هونەر و وێنە

راستە پرۆژەکەم وەرگیراوە بەلام مەرجی پیشاندانی پرۆژەکەم ئامادە بوونی خۆمە لەم فستیڤالە کە ئەمە ئەستەمە بۆ من کە بتوانم بەشدار ببم و ترسم هەیە ئەم دەرفەتە زێرێنەم لە دەست بچێت، دەرفەتێک کە دەتوانم باسی پێشمەرگە و بنەمالەکانیان و ئەو ئازارانەی بە بەردەوامی چێشتوویانە بکەم

فستیڤال لە رۆژانی

July 29 to August 1st, 2021

دەبێت

لە ١٩\٣\٢٠٢١ فستیڤالی وێنەی ماڕێ، لە وولاتی بەرازیل دەستی بە کارەکانی کردووە و بە هۆی کورۆنا هەموو چالاکییەکانیان بە شێوەی ئۆنلاین دەبێت، واتە هەموو دانیشتن و وۆرک شۆپ و پێشانگا و بەرنامەکانیان لە رێگەی ئۆنلاین بەردەستە

لە پاڵ چالاکییەکانی تریان، فستیڤالی ئەمسال سێ پێشانگای سەرەکی وێنەی لە خۆگرتووە کە بە شانازییەوە من لە دوو لەم پێشانگایانە بەشدارم، لە پێشانگای یەکەم سێ وێنەم هەیە و لە پێشانگای دووەم یەک وێنەم بەشدارە

بۆ بینینی بەرنامەی رۆژانەیان و پێشانگا و وۆرک شۆپەکان دەتوانن سەردانی مالپەری فەرمی فستیڤال بکەن

من یەکەم جارمە لە وولاتی بەرازیل و لە فستیڤالی وێنەی ماڕێ بەشدار ببم