ئەمرۆ بە فەرمی ناوی براوەکانی گڕەنتی گۆمای بەریتانی راگەیەندڕا و بە شانازییەوە یەکێکم لە براوەکانی ئەمساڵیان

لە بەشی خەڵاتی سەرەکی، توانیومە نیشانی شایستە و شکۆمەندی ئەم گڕەنتە بۆ خۆم دەستەبەر بکەم و لە رێگەی ئەم دەستکەوتە دیسانەوە بابەتی پێشمەرگە سەربەرزەکانی کوردستان لە کۆمەلگای نێودەولەتی بەرجەستە بکەم

پێشتر ناوی فینالیستەکان راگەیندڕابوو و وێنەکانم لە دوو بەشی جیاواز کاندیدی ئەم گڕەنت و خەڵاتە بوون، بەشی خەڵاتی سەرەکی و هەروەها لە بەشی باشترین بەرهەمی بەڵگەیی

من بە پرۆژەی پێشمەرگە بریندارەکانی شەری دژ بە داعش، ئەم گڕەنتە و ئەم خەڵات و شانازییەم وەرگرتووە

هیوادارم پێشمەرگە سەربەزەکانی نیشتیمانم، ئەم خەڵاتە وەک دیاری ساڵی تازە و نەورۆزم بۆ ئەوان لێم وەربگڕن

بە هیوای سەرکەوتن بۆ هەموولایەک

ژمارەی دووەمی گۆڤاری وێنەگری بەڵگەیی لەم رۆژانە ئامادە کراوە و دەرچووە کە گۆڤارێکی مانگانە و پسپۆرانە و تایبەتە بە بواری وێنەی بەڵگەیی

لەم ژمارەیە کۆمەلە وێنەی برینە کراوەکان کە باس لە پێشمەرگە بریندارەکانی شەری دژ بە داعش دەکات بلاو بووتەوە و هەر وەها دیمانەیەکی تایبەت لەگەڵ من لەسەر بیروبوچونەکانم و هەر وەها راپۆرتێک لەسەر دوایین پێشانگام لە شاری شیراز و بە گشتی نزیکەی بیست و پێنج ڵاپەرەی ئەم گۆڤارە تایبەت کراوە بە من و کاروچالاکییەکانم

ئەم گۆڤارە بە زمانی فارسیە و لە رۆژی شەمەی داهاتوو لە هەموو پلاتفۆرمەکانی کرین و فرۆشتنی بلاوکراوەکان بەردەست دەبێت و دەتوانن بیخوێنن

ئەمەش هەنگاوێکی پڕ لە شانازی ترە بۆ من تاکو قارەمانەکانی نیشتیمانم بە دەرەوەی ولات و بە تایبەت هاولاتیانی ئێرانی بناسێنم

ئەو کەسانەی دەستیان پێ ناگات و دەیانەوێت ئەم بابەتە بخوێنن دەتوانن پەیوەندیم پێوە بکەن تا فایلی پی دی افیان بۆ بنێرم

بە شانازییەوە ئاگادار کراوم کە یەکێکم لە بەشداربووانی پێشانگایەکی گشتی وێنەی لە بەشی پرۆفەیشنال کە لە لایەن پێشبرکێی وێنەی نێودەولەتی چلسی کە بەشێکە لە تۆری هونەری نیویۆرک بەرێوەدەچێت

ئەم پێشانگایە لە بەڕواری چوار بۆ هەڤدەی مانگی یەکی ساڵی ٢٠٢٣ لە گەلەری ئاگۆرا لە گەرەکی چلسی کە بەشێکە لە مەنهاتانی نیۆیۆرک بەرێوەدەچێت

یەکێک لە وێنەکانی پرۆژەی پێشمەرگە بریندارەکانی شەری دژ بە داعش بۆ ئەم پێشانگایە دەستنیشان کراوە کە مایەی شانازییە بۆ من کە دەتوانم بەم وێنەیەم باسی ئازارەکانی هێزی پێشمەرگەی کوردستان بکەم لە ولاتی ئەمریکا